وش قيمة الحب لامنه نقص قدري

من طرف **ملاك الروح** السبت أغسطس 22, 2009 2:32 am

وش قـيمة الحـب لامنــــه نقص قدري
النفس طابت مــــن الـي مايـقـــدرها

ونا ألي عزيتها مــن مبـتـدى عـمــري
وشلـــون أبرضـا لــها بــذل وجـبـرهـا

تبقا عــزيــزه ألـيـن أنـحــط في قبري
ون عشت ماعاش من يبغـا يكـــدرها

لو أنها ألـــي تـتـل الـقـلــب مـاتــدري
أنـــي نســيــت الجميع وجيت ذاكرها

يا كثــر مونست منه طعون في صدري
عيت مــــــــن الطعن لاتشبع خناجرها

يضحك الها الـــصبح ويغني الها القمري
ويغـــــار منــها القــمــر والليل يسترها

و يـمـيــل معـــها الزهر والماء الها يجري
والارض تحضن أخطـاهــا عــن تعثــــرها

من خلقتي مثلها ما شفت من صغـــري

قصة من الزين الاكن كيــــــف أفســرهـا

منها القوافـــي تشيب وينبـهــر فـكــري
عـجـــزت الاجــيـب قصــتها وعــبـــرهــا