الموت يوم انك تحب ميت شعور

من طرف **ملاك الروح** الأربعاء أغسطس 19, 2009 7:24 am

الموت يوم تحب لك ميت شعور

ما يحس بأي نوع من الوله

لعن ابو حب يموته الغرور

ليت منهو حس به من أوله

مشكله لا صار للاحساس سور

والبرود بحد ذاته مشكله

سعد من يولي أحاسيسه بشور

ولا وقع في ظلم حب يقتله

آه من حب لعب فالقلب دور

لا بغيت أدله تعلن منزله

منه وجدي وجد مسلوب النظور

ولارضى يرعاه أحد من هله

أو وجود اللي عبر بين القبور

وشاف تاليه الليالي المقبله

ع الذي بادل غرامي بالفتور

ناكر معنى الموده يجهله

مادرى ان الوقت و الدنيا تدور

ما حصل له م الليالي أمثله

لو حصل من جانبي أية قصور

ما تحيرت بزحام الأسئله

مصعب الاحزان من عقب السرور

ويا عذاب اللي حبيبه يخذله

ما تهيا لي وسط ظلماي نور

وظلمة النفس البريه معضله

والله اني ع العنا دايم صبور

لكن أحداث جرت لي مذهله

خلدت في الجوف بركان يثور

ونازف جروح الكرامه تشعله

ما اشين الكبوه على حصان حذور

وللرجل بعض المواقف مخجله

ولا انتبه من بعد ما تلفت لمور

جاته اسراب الندم مسترسله

لو نركز ان دنيانا دبور

كان حلينا رموز المسأله

ولو عذرته جارحي هوب معذور

لو نظر جرح الحشا وتأمله

عزتي للي عشق ميت شعور

وفاقد الاحساس ما يعرف الوله