ღ♥ღ الـزمن دوار... ღ♥ღ

من طرف **ملاك الروح** الثلاثاء أغسطس 18, 2009 8:23 pm

فهمنا هالدنيا لـي فيهـا نـاس مظلومـه
وعرفنا هالزمن دوار ولكنه بعـد غـدار
وفهمنا الناس أنواع وكلٍ لـه مرسومـه
وعرفنا ناسٍ تخدعك مثل الثعلب المكـار
فهمنا إحساس نـاسٍ حزينـة ومهمومـه
وشفنا قلوب تحترق وتنبـض فيهـا نـار
وفهمنا شعور المظلوم به آلام مزحومـه
ولكن يصبر شويه ترى يدري الزمن دوار
ورأينا حال هالأحزان لي فـالقلب مكتومه
وذاك اللي تاه وضاع في وسـط المـدار
كثيرة الناس في هالدنيا تعبانه ومحرومـه
ودمعهم هاليـوم يـذرف شـرا الأنهـار
وكم واحد غـدا يشكـي وعـاف نومـه
ومحدٍ درى عنه غيـر الواحـد الجبـار
يصلي ويدعي ربه في جلوسه وفي قومه
ونظرات عينه فيهـا شـي مـالإنكسـار
كلامه فيه عبارات للأسف غير مفهمومـه
مثل الأسير لي ابعده قسى وظلـم الديـار
وياكم تجرعنا أسى وكاسات عنا مسمومه
وكبرت علينا الدنيا ونحن مازلنا صغـار
ولقينـا هالدنيـا فيهـا البسمـة معدومـه
صبرنا طول الوقت وطال فينا الإنتظـار
وذاك اليتيم اللي ينـوح مـن يلومـه ؟؟
وش ذنبه لاختفـت عنـه الأنـوار ؟؟!!
كل السبـب نـاسٍ ضمايرهـم معدومـه
خذت منه أغلى اثنيـن وتركتـه محتـار
الله يادنيا ليتـج اصبحتـي لنـا مفهومـه
ماعرفنـا ننـام فـي ليلنـا ،،، والنهـار
اصبح طويلٍ علينـا وبـه آلام ملزومـه
لـزمٍ علينـا نتألـم ماهـو لنـا باختيـار
وما بقى غير اخطـي كلمـات مختومـه
(( اصبحت آمالنا مجرد كتلـة غبـار ))

ملاك الروح